خاندان کو مضبوط بنانے کے طریقے

 انسانوں کی وہ جذباتی اور روحانی محرومی، جس سے آج بہت سے لوگ دوچار ہیں، اس کی بنیادی وجہ خاندان کے بارے میں صحیح تصور اور درست تعبیر کا نہ ہونا، نیز خدا کی وحدانیت اور زندگی میں اس کے مؤثر ہونے پر عملی التزام کا فقدان ہے۔ یہ امر خاندان کے افراد کے درمیان جذباتی تعلقات کو متاثر کرتا ہے اور اضطراب، بے چینی، بے بنیاد آرزوئیں، مادی امور کے بارے میں حرص و طمع، اور الٰہی و انسانی اقدار کو پامال کرنے کا سبب بنتا ہے۔ خاندان کے بنیادی ادارے کے ذریعے وحیانی اور غیر وحیانی تعلیمات کی منتقلی میں اس کے اہم کردار کو دیکھتے ہوئے، اس مقدس مرکز کی صحت، سلامتی، رشد اور بالندگی پر خاص توجہ دی گئی ہے۔ لہٰذا وہ افراد جو اس مقدس ادارے کے بارے میں اپنے تصور اور نگرش میں انحراف کا شکار ہو جاتے ہیں، وہ نہ صرف انسانی معاشروں کو زوال کی طرف لے جاتے ہیں بلکہ ان کی ترقی اور کمال کی راہ میں بھی رکاوٹ بنتے ہیں۔ یہ تحریر ان قرآنی آیات کا جائزہ لیتی ہے جن میں محبت و الفت، اعتماد، اطمینان، سکون اور آرام کی بنیاد پر خاندان تشکیل دینے کے بارے میں گفتگو کی گئی ہے۔ اسی طرح خاندان کے استحکام اور دوام کے عوامل کو بیان کرتے ہوئے، قرآن کریم کی تعلیمات اور دینی بزرگوں کی سیرت کی روشنی میں خاندان کے بنیادی ڈھانچے کو مضبوط اور مستحکم بنانے کے طریقوں کو بھی بیان کیا گیا ہے۔